Sunday, 13 May, 2007

 

ఒకటి ఒకటి ఒకటి

ఒకటి ఒకటి ఒకటి
మానవులంతా ఒకటి

రెండు రెండు రెండు
మంచి, చెడులు రెండు

మూడు మూడు మూడు
మన జెండా రంగులు మూడు

నాలుగు నాలుగు నాలుగు
వేదాలు మనకి నాలుగు

ఐదు ఐదు ఐదు
చేతికి వేళ్ళు ఐదు

ఆరు ఆరు ఆరు
రుతువులు మనకి ఆరు

ఏడు ఏడు ఏడు
వారానికి రోజులు ఏడు

ఎనిమిది ఎనిమిది ఎనిమిది
దిక్కులు, మూలలు ఎనిమిది

తొమ్మిది తొమ్మిది తొమ్మిది
గ్రహాల కూటమి తొమ్మిది

పది పది పది
పాపలు పాడే పాట ఇది

Labels:


# posted by CH Gowri Kumar @ 9:04 AM 1 Comments  

Saturday, 12 May, 2007

 

బంతి బంతి - ఇది నా బంతి

బంతి బంతి - ఇది నా బంతి
కాళ్ళులేవు - చేతుల్లేవు
గుండ్రని పొట్ట - పొట్టనిండ గాలి
ఎగురును దుముకును - ఇది నా బంతి

Labels:


# posted by CH Gowri Kumar @ 4:31 PM 0 Comments  
 

బొమ్మలమ్మా బొమ్మలు

బొమ్మలమ్మా బొమ్మలు
రంగురంగుల బొమ్మలు
రకరకాల బొమ్మలు
సింగారాల బొమ్మలు
బంగారు బొమ్మలు
ఆడేపాడే బొమ్మలు
అందమైన బొమ్మలు
నీతిని నేర్పే బొమ్మలు
ఖ్యాతిని కూర్చే బొమ్మలు

Labels:


# posted by CH Gowri Kumar @ 4:23 PM 0 Comments  
 

వానా వానా వల్లప్ప

వానా వానా వల్లప్ప
చేతులు చాచు చెల్లప్ప
తిరుగు తిరుగు తిమ్మప్ప
తిరుగలేను నరసప్ప.

Labels:


# posted by CH Gowri Kumar @ 4:21 PM 0 Comments  
 

మనిషిగా పుటిన దెందుకురా?

మనిషిగా పుటిన దెందుకురా?
మంచిని పెంచేటందుకురా

బడికి వెళ్ళే దెందుకురా?
చదువులు నేర్చేటందుకురా

చదువులు నేర్చే దెందుకురా?
జ్ఞానం పొందేటందుకురా

జ్ఞానం పొందే దెందుకురా?
ప్రగతిని పెంచేటందుకురా

ప్రగతిని పెంచే దెందుకురా?
చక్కగ బ్రతికేటందుకురా

Labels:


# posted by CH Gowri Kumar @ 4:17 PM 0 Comments  
 

చిట్టి చిలకమ్మ

చిట్టి చిలకమ్మ
అమ్మ కొట్టిందా?

తోట కెళ్ళావా?
పండు తెచ్చావా?

గూట్లో పెట్టావా?
గుటుక్కున మింగావా?

Labels:


# posted by CH Gowri Kumar @ 4:09 PM 0 Comments  
 

తారంగం తారంగం

తారంగం తారంగం
తాండవకృష్ణా తారంగం

వేణునాథా తారంగం
వేంకటరమణా తారంగం

వెన్నెలదొంగా తారంగం
చిన్నికృష్ణా తారంగం

Labels:


# posted by CH Gowri Kumar @ 4:00 PM 0 Comments  
 

దాగుడుమూతలు దండాకోర్

దాగుడుమూతలు దండాకోర్
పిల్లీవచ్చె ఎలకా భద్రం
ఎక్కడి దొంగలు అక్కడే
గప్‌చిప్....గప్‌చిప్

కళ్ళూమూసి కోలికోల్
ఎక్కడి దొంగలు అక్కడే
అణుక్కో ముణుక్కో దాక్కో
గప్‌చిప్....గప్‌చిప్

Labels:


# posted by CH Gowri Kumar @ 3:53 PM 0 Comments  
 

చేతిలో వెన్న ముద్ద

చేతిలో వెన్న ముద్ద
చెంగల్వ పూదండ
బంగారు మొలతాడు
పట్టుదట్టి

సందె తాయెతులు
సరిమువ్వ గజ్జెలు
చిన్నికృష్ణా
నిన్ను చేరికొలుతు

Labels:


# posted by CH Gowri Kumar @ 3:41 PM 0 Comments  
 

చుక్ చుక్ రైలు వచ్చింది

చుక్ చుక్ రైలు వచ్చింది
దూరం దూరం జరగండి
ఆగినాక ఎక్కండి
జోజో పాపా ఏడవకు
లడ్డూ మిఠాయి తినిపిస్తా
కమ్మని పాలూ తాగిస్తా.

Labels:


# posted by CH Gowri Kumar @ 3:39 PM 0 Comments  
 

ఏనుగమ్మ ఏనుగు

ఏనుగమ్మ ఏనుగు
ఏ ఊరెళ్ళిందేనుగు
మా ఊరెళ్ళిందేనుగు
మంచినీళ్ళు తాగిందేనుగు

ఏనుగమ్మ ఏనుగు
ఏ ఊరెళ్ళిందేనుగు
మా ఊరెళ్ళిందేనుగు
మంచినీళ్ళు తాగిందేనుగు

ఏనుగు ఏనుగు నల్లన
ఏనుగు కొమ్ములు తెల్లన
ఏనుగు మీద రాముడు
ఎంతో చక్కని దేవుడు

Labels:


# posted by CH Gowri Kumar @ 3:33 PM 0 Comments  
 

బుర్రుపిట్ట బుర్రుపిట్ట తుర్రుమన్నది

బుర్రుపిట్ట బుర్రుపిట్ట తుర్రుమన్నది
పడమటింటి కాపురము చేయనన్నది
అత్తతెచ్చిన కొత్తచీర కట్టనన్నది
మామతెచ్చిన మల్లెపూలు ముడువనన్నది
మొగునిచేత మొట్టికాయ తింటానన్నది

Labels:


# posted by CH Gowri Kumar @ 3:23 PM 0 Comments  
 

తప్పెట్లోయ్ తాళాలోయ్

తప్పెట్లోయ్ తాళాలోయ్
దేవుడి గుళ్ళో బాజాలోయ్
పప్పు బెల్లం దేవుడికోయ్
పాలు నెయ్యి పాపడికోయ్

Labels:


# posted by CH Gowri Kumar @ 3:14 PM 0 Comments  
 

చిట్టీ చిట్టీ చెల్లమ్మా

చిట్టీ చిట్టీ చెల్లమ్మా
పలకాబలపం తేవమ్మా
అక్షరాలు నేర్వమ్మా

చదువు బాగా చదవమ్మా
తెలివిని బాగా పెంచమ్మా
ఇంటికిపేరు తేవమ్మా .

Labels:


# posted by CH Gowri Kumar @ 3:06 PM 0 Comments  
 

దేశమును ప్రేమించుమన్నా

దేశమును ప్రేమించుమన్నా
మంచి అన్నది పెంచుమన్నా
వొట్టిమాటలు కట్టిపెట్టోయ్
గట్టిమేల్ తలపెట్టవోయ్!

దేశాభిమానం నాకు కద్దని
వట్టి గొప్పలు చెప్పుకోకోయి;
పూని యేదైనాను వొకమేల్
కూరి జనులకు చూపవోయి !

స్వంతలాభం కొంతమానుకు
పొరుగువారికి తోడుపడవోయ్
దేశమంటే మట్టికాదోయ్
దేశమంటే మనుషులోయ్!

చెట్టపట్టాల్ పట్టుకుని
దేశస్థులంతా నడవవలెనోయ్
అన్నదమ్ముల వలెను జాతులు
మతములన్నీ మెలగవలెనోయ్!

Labels:


# posted by CH Gowri Kumar @ 2:53 PM 0 Comments  
 

ఏ దేశమేగినా ఎందుకాలిడినా

ఏ దేశమేగినా ఎందుకాలిడినా
ఏ పీఠమెక్కినా ఎవ్వరేమనిన
పొగడరా నీ తల్లి భూమి భారతిని
నిలుపరా నీ జాతి నిండు గౌరవము

Labels:


# posted by CH Gowri Kumar @ 2:30 PM 0 Comments  

This page is powered by Blogger. Isn't yours?

Subscribe to Posts [Atom]